ABIOL
(Association des biologistes luxembourgeois).
Les buts de l'ABIOL:
- resserrer les liens entre les biologistes des différentes carrières
- défendre les intérêts professionnels des biologistes
- défendre et de valoriser l’enseignement de la biologie aux différents niveaux
- faciliter l’information de ses membres
- rendre visible l’impact de la biologie dans la société (art 2 / statuts)
D’ABIOL organiséiert Donneschdes, de 17. Oktober 2024 eng Formatioun beim biologësche Wënzerbetrieb Krier-Welbes. Mir starten hei um 15h00 mat enger Visitt um Terrain (normalerweis um Scheierbierg – RDV um Point de Vue) a kréichen dann duerno nach d’Kellerei zu Elleng-Gare gewisen an d’Prozesser rondrëm de Wäin erkläert. Ofgeschloss gëtt, fir déi déi wëllen, mat enger kommentéierter Schmaach vun de Wäiner an dem neie Fiederwäissen bis 18h00.
Des Formatioun ass prioritär fir ABIOL-Memberen. Dir kënnt och elo nach är Memberskaart hei op www.abiol.lu ufroen.
Umelle kann ee sech ënnert dësem Link.
De Naturmusée an d’ABIOL bidden och dëst Schouljoer nees d’Formatioun "Déi pädagogesch Offer vum Naturmusée fir Klassen aus dem Enseignement Secondaire" (Code D2-b-41) fir all interesséiert Leit un.
Bei der leschter Editioun koum als Feedback fir d’Formatioun éischter am Schouljoer unzebidden, dofir hu mer deem Rechnung gedroen a proposéieren d’Formatioun lo schonn den 22ten Oktober 2024.
Hei fannt der de Link fir sech unzemellen.
D’ABIOL proposéiert den 18. Juni 2024 (14:00-17:00) eng Formatioun déi sech mat der praktescher Notzung vun de PASCO Sonden a vun der Software SparkVue an de Naturwëssenschaften an an der Biologie am ESC/ESG konzentréiert. D'Zil ass et, d'Participanten an der Handhabung vum iPad, der Software SparkVue an de PASCO Sonden ze schoulen.
D'Participante wäerte gewise kréien, wéi ee praktesch Experimenter mat der Software SparkVue opstellt an duerchféiert. Si wäerten och verschidde PASCO Sonde benotze kënnen a gewise kréie wéi ee Resultater/ Schüleraarbechten deelen, bezéiungsweis empfänke kann.
Mir ginn drop an wéi d'SparkVue Applikatioun an d'PASCO Sonde sënnvoll an divers Léierstrategien integréiert kënne ginn a proposéiere follgenden Oflaf: i) generell Aféierung, ii) Präsentatioun vun de Funktioune vun der SparkVue Applikatioun, iii) praktescht Schaffe mat konkrete Beispiller an Ateliere mat verschiddenen Sonden iv) Fro & Äntwert.
Ween un der Formatioun interesséiert ass, kann sech ënner follgendem Link aschreiwen.
